entzun.com


| Sindikatu - RSS | Testu tamaina AAA

Elkarrizketak

bidali zure elkarrizketak Bidali zure elkarrizketak
Myriam Garzia 2011-12-01

Mikel Urdangarin 15 urteko ibilbidea bildu du Mikel Urdangarinek zuzeneko disko bikoitzean

Zuzenean Zuzenean
Hau ez da amodiozko kanta
Lotura erlazionatuak

Aurreko urteko Gabon Zaharraren bezperan, 2010eko abenduaren 30ean, grabatu zuen Mikel Urdangarinek Bilboko Kafe Antzokian, bere azken lana, Zuzenean (autoekoizpena, 2011). Gau magikoa, hala gogoratzen du abeslariak. Kafe Antzokia leporaino beteta, ehunka zaletuk txistu eta txaloen artean hartu zituzten gehienetan, Mikel Urdangarin eta bere taldeak eskainitako abestiak.

15 urteko ibilbideari errepasoa egin zion, batez ere disko zaharretako abestiak joz eta berrinterpretatuz. Eta, hala jaso nahi izan du kontzertu hura zornotzarrak, bere horretan, kontzertua hasi eta bukatu arte, diskoan ere, aukeraketarik egin gabe. Bi ordu t'erdiko iraupena izan zuen kontzertuak, eta iraupen bera du diskoak: abesti ezagunez gain, musikarien aurkezpenak, abestien azalpenak eta abeslariaren burutazioak agertzen dira. 2003an, Txikiegia Zaharregia, agian diskoa burutu zuten beraiek, jarraitzen dute abeslaria laguntzen bere disko eta kontzertuetan, horregatik jaso nahi izan du zuzeneko disko bikoitz honetan bandak azken urteotan lortu duen soinua, aspaldiko ametsa, desira baitzen Mikel Urdangarinek hala aitortuta.


Bi ordu t'erdiko iraupena du disko bikoitz honek, 15 urteko zure ibilbide musikala jasotzen duena.

Gau hartan jasotakoa biltzen du, hasi eta bukatu, besterik ez du. Musika denari ezin beste ezer gehitu. Disko honekin amets bat betetzen da, eta ametsa ez bada, bai aspaldiko gogo edota desira bat. Orain dela 15 urte hasi nintzenean, ez nuen uste beteko zenik. Bidea urratsez urrats egiten da, egunez egun eta hasiera hartan ezin jakin zer etorriko zen bizitzan. Baina beti izan dut ilusio hori, musikan eta kantuan aritzea, eta jende aurrean kantatzeak beti eman dit sekulako poza eta ilusioa. Eta hor, beti egon da zintzilik zuzenekoa grabatzea, presa gabe baina beti egon da hor gogo hori. Iazko gau horretan amets txiki edota desira hori bete genuen eta bete zen niretzat modurik ederrenean, oso pozik nago egin dugunarekin. Pentsatzen dut disko ona dela, 28 kantu on biltzen dituela eta urteak daramatzadanak kantatzen. Baina kantak beti ez dute irauten bizirik norberarengan, batzuk ere hiltzen dira, bizitza bera lez, eta kantu batzuekin gauza bea gertatzen da. Hauek bizirik daude, beste batzuen artean. oso pozgarria da niretzat grabatu izana eta bildu izana.


Zergatik zuzenekoa, orain?

Zuzenekoek bere ezaugarri propioak dituzte, eta honek ere baditu. Gau hartako kontzertua magikoa izan zen niretzako. Hasi eta bukatu zen artean, jaso genuen entzuleriaren beroa, haien kantua ere. Lagunduta sentitu ginen, eta zorionekoa sentitu nintzen. Gau bakarra izan zen, karta bakarra esaten dena, eta ezin hobeto irten zen. Disko bikoitza egin dugu, hasi eta bukatzeko gogoz hartu behar dena, baina hortxe daude kantu guztiak bere inperfekzioekin, baina baita ere bere momentu onekin ere. Izan ere, diskoan momentu on asko daude. Batzuetan inperfektua baina askotan oso intentsu eta indartsu, oso hunkigarria niretzako behintzat, entzuten dudan bakoiztean gau hartara eramaten nau eta gozagarri egiten da. Entzuketa, esan beharra dago, isiltasun osoko momentuak eta burrunba handiko momentuak biltzen ditu. Lehenengo zatia, kontzertuko lehenengo ordu erdia pentsatuagoa dago, landuago, konponduagoa, eta gure aldetik hori zen jomuga, lehenengo zati hori ondo ateratzea eta uste dut betetzen dela, dena dagoela jantziagoa eta osatuagoa. Eta, bigarren diskoa, azken ordua, libreagoa da, jai giroa nabarmenagoa da eta batzuetan estasi une batzuk ere, nabariak dira. Gaua halakoa izan zen, ez genuen pentsatzen hain luze joatea eta inprobisatu egin beha izan genuen baina xarma handia ematen dio diskoari, bigarren zati desordenatu horrek.

Iazko gau horretan amets txiki edota desira hori bete genuen eta bete zen niretzat modurik ederrenean, oso pozik nago egin dugunarekin. Pentsatzen dut disko ona dela

Azken urteotan laguntzen zaituzten musikariak ere, han izan ziren.

Disko hau grabatzeko asmoetako bat, hori izan da, azken urteotan taldean lortu dugun soinua biltzea. Nik sinatzen baditut kantak eta bakarlaria izan arren, atzean eta ondoan talde sendo bat daukat, urte batzuetatik hona laguntzen nauena. Hortxe daude: Rafa Rueda gitarra elektrikoan, Bigen Mendizabal zazpi soketako biolinean, Nika Bitchiasvili bibolinean, Sahiela Gazmaier baterian eta Koldo Uriarte tekletan eta melodikan. Haien prensentzia neurea bezain garrantzitsua da diskoan, diskoa ondo jota dago eta uste dut musikalki bidai aberatsa egiten duela. Horren ardura, zati handi batean beraiena da, musikariena. Disko emotiboa da eta musikak, horretan, zeresan handia dauka. Musikari hoiek nire ondoan edukitzea gauza handia da, zorioneko sentitzen naiz haiekin jotzeagatik. Haiek jotzen dutenean, hunkitzen naute, barruak mugitzen didate eta horrek bere eragina dauka kantuetan eta taula gainean ematen den horretan. Beraz, euren ekarpena, disko honetan bereziki funtsezkoa eta ezinbestekoa da. Neu naiz itsasontzi honetako lemazain baina eurek ezinbestekoak ditut inora heltzeko.


Soinu teknikari lanetan bai kontzertuan zein estudioan, aspaldiko ezagun batek laguntzen zaitu, Mikel Fernandez Krutzaga.

Hilabete eman du nahasten 28 kantu hauek. Aberastu egin du Kafe Antzokian grabatutakoa, lan bikaina egin du. Oso ondo entzuten da eta ondo preziatzen da musikarien lana. Garbitasuna dago baina baita ere, batasuna hala behar denean. New Yorken bukatu genuen lana, bertan masterizatzen Sterling Sound estudioetan Greg Calviren eskutik, eta Mikel berak lagunduta. Soinu kalitate dauka. Dena nahiko lotuta dagoela uste dut, nahiko harro nago egindako lanaz.


Azken urteotako lana biltzen duen heinean, hemendik aurrera zer?

Gertuko iragana antolatzeko modu bat lez hartzen dut disko hau. Ia ezinezkoa da azken 15 urteko lana laburbiltzea zuzeneko batean, dena aldatu da. Izan ere, abestiak beraiek ere, musikalki berrinterpretazioa dira, bere jatorrian izan zirenekotik dezente aldatu baitira. Ibili izan dugu bidea, dena aldatu da eta kantuok ere aldatu dira, eta nire ustez, beharrezkoa zen beste ikuspuntu batetik interpretatzea. Iragana bildu eta datozen proiektuei begira libreagoa sentitzea du xede disko honek. Gutxitan sentitu naiz hain gustora, bai laguntzen nauen taldeagatik zein musikalki. Batek daki zer ekarriko duen etorkizunak. Ikusteke dago.

bidali zure elkarrizketak Bidali zure elkarrizketak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.

Berri Laburrak

  • Irueko Las Kasettes taldeak single berria grabatzen bukatu du.
  • Carlos Ortiz, Balerdi Balerdiko baxu joleak taldea utzi du. Dagoeneko ordezkoa bilatzen ari dira.
  • Siniestro Total taldeak kantu berria argitaratu du: Chico de ayer.
  • Cockney Rejects talde mitikoak urriaren 3an joko du Gasteizeko Jimmy Jazz aretoan. Oi!

Musika albisteak
eta agenda astero
zure postontzian!