Nola sortu zen ekimen hau aurrera eramateko ideia? Nola izan ziren Ertz egitasmoaren lehen pausuak?

Ertz urtetako lanaren emaitza gisako bat dela erran daiteke. Bera bezalako herri ttiki batean, eta oraindik, egia erran, argi ez ditugun arrazoiengatik, musika hagitz modu berezian bizi izan da. Talde eta musikari kopuru aipagarria dago, eta orokorrean gehienak batzen dituen ezaugarrietako bat kuriositate eta jakin-mina da, gauza berriak entzun, probatu eta lantzeko jakin-mina. Hortaz, dagoeneko ia orain dela bost urte, alde batetik, denen jakin-min hori asetzeko modu berriak probatzeko intentzioarekin eta bertzaldetik, kolektibotasunaren inguruan lehen pausuak emateko ahalegin bezala sortu zen Ertz. Urtean zehar musika eta arte esperimentalei eskainitako programa bat antolatzen dugu, horren barruan ekainean egin ohi izan dugun jaialdia, eta herriko artisten arteko kolaborazio lanak sortzen saiatzen gara.

Darabilzuen eslogana