Soilik bi urteko ibilbidea egin arren, eskarmenturik baduzue musika munduan.
Kaleginez sortu aurrez Dubet, Vendetta, Sukar Beltza edo Segada bezalako taldeetan ibili ginen. Dena dela, sekula ez ginen elkarrekin aritu eta hardcore melodiko goseak proiektu hau eratzera bultzatu gintuen. Abesti ugari osatu eta gero Olaztiko Maisuenea gaztetxean eman genuen lehenengo kontzertua harrera oso onarekin. Hurrengo urtean, makina bat kontzertu eskaini eta taldean aldaketa izan genuen. Pello bateria jotzailearen ordez, Stupenda Jones taldean ibilitako Anjel sartu zen. Iazko iraila bukaeran diskoa atera ondotik ziklo berriari hasiera eman genion.


Entsegu lokalean zehaztutako norabidea Bueltarik Gabe aurreneko diskoan jaso duzue. Ondo definitzen du zuen proposamena?
Bai, oso gustura gaude egindako lanaz. Musika mota diferenteak nahasten ditugu lan honetan gure estilotik aldendu gabe. Ez dugu sinpletasunean erori nahi. Nahiz eta hardcore talde bat izan, gure kantuei