Orreaga 778 taldea duela pare bat urtetik hona dabil zarata egiten. Oi! eta punk musikarekiko zaletasunak talde propioa egitera bultzatu zituen eta harrez geroztik kontzertu piloa egin eta maketa bat argitaratu dute. Lau kanta bildu dituzte eta oso harrera ona izan dute. Ez dute beste munduko ezer egiten, baina badakite kantu bat eraiki eta bihotzera iristen edo barrabiletan ostikada bat zuzentzen. Zer da musika, azken finean, jendearengana iristen ez bada?