entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Elkarrizketak

Elkarrizketak

2010-10-11

PIZTIAK tximeleten arima

Gabeko Kalapitxixak (autoekoizpena, 2009) da Ondarroako Piztiak taldearen azken lan emankorra. Popetik gertuago, taldeak jasan duen barne aldaketaren emaitza bikaina eta garai berrietara egokitua, azken disko hau ezinbestekoa bilakatu daiteke euskal pop rock melodikoa gustuko dutenen artean. Proiektua ez da bakarrik diskoa argitaratze soil batera mugatu; pintura eta eskultura erakusketa, bideoa eta laburmetraia egin nahi dute ondarrutarrek gaueko tximeleten etengabeko dantza zoroaren inguruan. Diskoak bestetik, harribitxi bat gordetzen du: orain dela bi hamarkada Kirmen Uribek idatzia eta TU-K musika taldearen lehen maketan argitaratutako Pornografiaz abestia. Txomin Uriberekin, gitarra eta ahotsa, mintzatu gara eta berak argitu dizkigu lan honen argilunak.

2010-10-09

THE RIFF TRUCKERS, errepidea sutan

Askotan entzun dugu rock’n’rollari nortasuna falta zaiola. Taldeek ez dakitela diskoan erakusten duten indarra taula gainean erakusten. Riff Truckers gernikarrek bi gauza horiek lortu dituzte, nortasun handiko zuzenekoak eskainiz.
Adio diskoaren azala.

Adio diskoaren azala.

2010-10-01

JONNY GERRIWELT inoiz ez da berandu

Azkenik, kalean da Jonny Gerriwelt Ondarroako taldearen azken diskoa, “Living with class” (Teletetxo Records, 2009). Denbora luzea igaro da taldea diskoa grabatzen hasi zenetik gure belarrietara iritsi den arte; luzeegia seguru asko, diskoa kaleratu denerako taldea deseginda baitzegoen. Eta penagarria da, “Living with class” oso lan ona baita, indartsua, street punkaren mugak gainditu eta heldutasunera iritsi den talde baten berri ematen diguna. Taldeko baxu jotzailea den Josebarekin hitz egin dugu, horretaz gehiago jakin guran.
Ruper Ordorika. Argazkia: Galder Izagirre.

Ruper Ordorika. Argazkia: Galder Izagirre.

2009-10-23

RUPER ORDORIKA Bi buru zituen gizona

“Haizea Garizumakoa” (Elkar, 2009) aurkeztu berri du Ruper Ordorikak Durangoko Azokaren atarian. Une bilatua, dudarik gabe, jada ohituta gaituen atmosferak biltzen dituen disko pertsonala, bai edukian zein edukiontzian, kaleratzeko. Baina disko honetan badira bilatutako beste hainbat gauza ere. New Yorkeko lagunekin bildu –Ben Monder (gitarra), Skuli Sverrisson (baxua) eta Kenny Wollensen (bateria eta perkusioa)–, eta sistema analogikoko tresneria erabilita diskoa grabatu du, bere ohiturari jarraituz estudioan zuzenean, Brooklyneko Bedford Studios-etan. Sonoritate sendo, sakon eta beroen bila aritu da oñatiarra, aspaldiko partez, berak sortutako hitzak baino ez erabilita eta horretarako propio egindako musika grabatzeko. Nahasketa Jean Phocasen eskutik egina dator, aspaldiko laguna ere Ruperren grabaketetan. Oinarrizko konbo bat erabili du abeslariak bere baitan zituen gauza asko esateko.