Hitz lauz diskoak klasikoen itxura dauka, blues zaharra eta era berean, modernoa. Teklatuek 70etako ukitu oso markatua ematen diotela uste dut. Esan bezala, klasiko bat, eta euskara hutsean kantatua! Zeinen dotorea den bluesa euskaraz kantatua!
Halaxe da, blues zaharraren eraginik badago, baina era berean doinu modernoak ere ageri dira. Azken batean, lehen esan bezala, edan dudanaren ondorioa baitira. Ez diot muzin egiten estilo ezberdinak ezagutzeari. Nire ustez, estiloak eurak baino kantuak dira garrantzitsuagoak.
Nire kantu batean Hammond organoa entzun nuen lehen aldia Jon & Sugramas-en diskoan izan zen. Eta benetan hunkigarria da, batez ere, aurrez-aurre entzuten duzunean. Fredi Pelaez bera izan zen orduan ere teklatu haietaz arduratu zena. Betidanik izan naiz instrumentu horren zalea, Allman Brothers Band, Gov