Euri Ttanttak, Amaiur, From Lost to the River eta bestelako taldeetan aritutako lagunek osatzen dute Sokaide, hasiera batean biolina (soka) eta trikiaren (airea) arteko nahasketa gisa sortutako proiektua. Gaur egun, bateria, gitarra, baxua, ahotsa eta aipaturiko bi horiez gain, txalapartak, albokak eta perkusioak ere presentzia dute taldean, horrela abestiek sentimendu eta indarra irabaziz. Sokaiden musikaz gain, dantzak ere badu bere protagonismoa, zuzenekoek kolore ezberdinez atonduz. Udaberrian Ortozik diskoa argitaratu zuten eta berriki, Bartzelonako EHSona euskal musika jaialdia irabazi dute, gaixo samar aurkitzen den euskal folka alaitasun batez berpizteko prest dauden azken adierazpena. Honatx Urko biolin joleak, Igon trikitilariak eta Naroa abeslariak Entzun!-i esanikoak: