Gasteiz eta inguruetan ezagunak zarete. Baina, aurkeztu zuon buruak Entzun!en irakurleei. 
Rafa eta biok 2010 amaieran ezagutu genuen elkar, kasualitatez. Rafa paraguaiarra da eta egia esan, denbora gutxi zeraman Gasteizen. Ez zuen hiriko musika eszena askotxo ezagutzen, baina gogotsu zegoen zerbait egiteko. Momentu hartan, Erizo taldean nenbilelako ezagutzen ninduen eta pare bat alditan geratu ginen lokalean elkarrekin inprobisatzeko. Lehen unetik ikusi genuen elkarren artean kimika ona zegoela. Hala, eta jakinda Erizo azken hilabeteetan zela, Viva Bazooka izango zen horretan lanean hasi ginen, nahiz eta 2012ko urtarrilera arte ez ginen hasi astero entseatzen.

Zergatik biko formatu instrumentala? 
Argi genuen edonon edonola jo zezakeen taldea izan behar zela Viva Bazooka, material guztia azkar eta merke grabatu eta ekoiztu zezakeen taldea. Eta bestalde, kolaborazioei esparrua utzi eta moldatzeko gai izango zena ere. Bi hauek ziren bikote instrumentala osatzeko arrazoi nagusienak.

Adelante punk, bailame el d