.:entzun.com:.

harpide

berriaketa...


Amparo Sánchez. Arg: Sergio Rodríguez.	AMPARO SÁNCHEZ “Bizitzan ez dugu presarik izan behar”
	Ahots nekatu batekin agurtu nau Amparo Sánchezek telefonoan, ahots nekatua baina pozez beterikoa. 2008 arte Amaparanoiako abeslaria izan zenak Tucson-Habana lan berria kaleratu berri du, oraingo honetan bakarka. Bere Kafe Antzokiko larunbateko (eta ostiraleko Andoaingo) kontzertuaren aurretik elkarrizketa berezia eskaini dio Entzun!-i, zeinean argi uzten duen indar handiko emakumea den Amparo garapen prozesu sakonean aurkitzen dela.
Maider Lacalle


Iker Goenaga, trikitiaren bidea egiten.	IKER GOENAGA denbora eta distantzia
	Ibilbide bat musikari gisa. Lau disko. Hainbat urte. Iker Goenaga Zizurkileko musikariak hurbileko zein urruneko kantuak bildu ditu laugarren pausoan. Tradizioari eutsiz, baina hautsiz. Soinu txikia, baina bihotz handia.
Inaxio Esnaola


Adio kontzertuaren afixa.	NUN zazpi bizitzak intentsitatearen arrastoan agortu zituen taldea
	Zortzi urteren bueltan, Bizkaiko Nun taldeak desegiteko erabakia hartu du. Agur esateko, adio kontzertua eman zuten 2010eko martxoaren 6an, non eta 2003an beren lehen lana grabatu zuten leku berean, Gorlizeko Zehatz Kultur Elkartean alegia. Kontzertura agertu zirenei beren estudioko azken lana oparituko zieten, zazpi kantuz osaturiko agurra. Entzun!ek Xabier Doncel baxu jotzailearengana jo zuen agurraren nondik norakoak azaldu ziezazkigun.
Sagardantza


Angerreko taldekideak.	ANGER boterearen sedukzioari stop
	Bost urte pasa dira Biluztu kaleratu zutenetik, taldearen estreinako lan luzea. Baina ez dira geldirik egon: kontzertuak, MusikHerria, Ikasle Abertzalearen 20. urtemugako abestia... Horrek taldearen doinuetan aldaketa ekarri du eta bilakaeraren fruitua dugu Sedukzioaz.
Ion Etxebarria


DJ Dusty.	DJ DUSTY jazz musika eta esnea
	Jazz&milk diskoetxea katalogo interesgarria egiten ari da. Dusty da arduradun nagusi. Alemaniako Munich hiriari indarra ematen dio eta bertako eszenak momentu ona bizi du. Chris Dusty-rekin hitz egin dugu, gaur egungo funk, soul eta jazz doinuek bete dituzte elkarrizketa.
J.L.


Kaleginez, Sakantik zerura.	KALEGINEZ atea ireki nahian
	Asko dira eta gutxi batzuk izaten dute bozgorailuen babesa. Hain zuzen ere, komunikabideek, zenbait eragilek eta mugimenduk baldintzatzen dute talde hasiberrien oihartzuna. Noski, Euskal Herrian gauza bera gertatzen da. Nafarroako Kaleginez taldeak Bueltarik Gabe estreinako lan duina aurkeztu zuen pasa den urtean, baina ez dute bozgorailu horien babesik izan. Hortaz, existitzen ez direla dirudi. Errealitate triste horri aurre egiteko tartea egin diegu gurean.
Inaxio Esnaola


KenZazpi momentu goxoa bizitzen ari da.	KEN ZAZPI “Trantsizio garaia da, eta trantsizioan geldi dagoenak galtzen du gehien”
	Buru belarri Euskal Herriko biran murgilduta harrapatu dugu Eñaut Elorrieta. Saio bat baino gehiagoren ondoren, azkenean tarte bat eskaini digu Ken Zazpiko abeslariak –bere ahots garden eta beroa bustiagoa dirudi telefonoaren haritik bestealdean–. Aurten, Durangon disko gehien saldu duen taldearen hurrengo lanak badu datarik: uda partean grabatu nahi dute Los Angelesen Rafa Sardina ekoizlearekin eta urte bukaerarako kaleratzea espero dute. Beraz, azken zuzenekoa autoekoizteko gernikarrek sortutako Argiak zigiluak datorren Durangoko edizioan ere zer esana ematea espero dugu. Honek hasi baino ez du egin...
Myriam Garzia

1 2 3 4 5 6 7 8 9 10 ...

Documento sin título

<<	Martxoa 2010					>>
Ast	Ast	Ast	Ost	Ost	Lar	Iga
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31
hil hau


MUNLET IZENEKO MUNSTROA HAZI DA DISKO BERRIA ARGITARATZEKO
Mendaroko taldeak Cañón (Gaztelupeko Hotsak) izeneko disko berria argitaratuko du aurki. Anita Lady Fingers eta Ina Herr Professor jatorrizko kideei musikari berriak gehitu zaizkie (Oscar Alvarez, Arkaitz Garai eta Sergio Llanos). Emaitza, punk eta elektronikaren arteko kanoikada berri bat da.


“SKA MADNESS!” BILDUMAK TWO TONE GARAIA INSPIRATU ZUTEN JATORRIZKO ABESTI KLASIKOAK BILDU DITU
Joan den mendeko 70etako hondarrean eta 80etako hasieran gertatu zen 2Tone iraultza inspiratu zuten hogei abesti klasiko biltzen duen bilduma interesgarria osatu du Rhoda Dakkar musikariak. Early reggae estiloko jatorrizko kantuok Pioneers, Symarip, Maytals, Danny Ray, Guy Lombardo, Jackie Edwards taldeek eta artistek sinatu zituzten, besteak beste.


Sadly The Future is no longer what it was Leyland Kirby • Ambient
Lau ordutik gaineko iraupena eta hiru CD betetzen dituen neurri epikoko lana da hau. Barnean unibertso musikal oso bat gordetzen duela dirudi, urtetarako entzumen eta gozamenerako adina emanez. James Kirby-ren aurreko proiektuetan bezala (The Caretaker) oinarria Stockport-eko diska denda zahar batean aurkitutako 78rpm disken soinu zikinean dago.


Sesion #2 Soziedad Alkoholika • Hardcore-metal...
Beltza zena txuri bihurtu da. Zuzenak ziren mezuak, zeharkakoak dira, orain. Gazte gaiztoak ziren hasiberritan Soziedad Alkoholika taldekoak. Egun, gaizto badira, baina ez horren gazte.


Pintxatu Askoren artean • askotarikoa
A fuego negro aspalditik ezagutzen dugunok, badakigu hango sukaldean doinu beltzak nagusi direla. Taberna eta jatetxe izateaz gain, argitalpen ezberdinei esker, Donostiako eragile kulturala ere bilakatu da. 2008an A Fuego Negro, pintxos y viñetas komiki liburua kaleratu zuten. Marrazkiei esker, tabernaren sorrera ezagutu genuen. Orain aurkezten diguten Pintxatu diskoan, bertan entzun daitezkeen doinuez gain, bere sukaldeko giroekin bat datozen kantuak entzun ditzakegu. Fermin Muguruzak bildutako kantuak dira, guztira 19, eta A fuego negroko sukaldariek jaki bat sortu dute kantu bakoitzarentzat.

footer