Hamahiru urteko Dionne Bromfield neskatoak 60etako hamabi abesti klasikoren beste horrenbeste bertsio grabatu ditu eta disko batera bildu: Introducing Dionne Bromfield. Proiektu honen atzean Amy Winehouse dago eta bertsioen artean My Boy Lollipop, Mama Said, Foolish Little Girl edota Ain’t no mountain high enough daude.

Internet bitartez eta doan lortu ahal izango da Keu Agirretxea, Ondarroako musikariaren disko berria. 10 abestik osatuta dago eta grabatu bezala, bata bestearen atzetik, zabalduko dira MP3an. Honezkero eskuragai dago lehenengo kantua, Zuregana abiatzen naiz izenekoa www.hotsak.com webgunean.

Azkenik kaleratua izan da Wolfmother-en bigarren diskoa. Tamalez ez haien debut lana bezain ikaragarria ezta arrakastatsua.

Imajina dezagun 21 urteko David Bowie gaztetxoa 2001 a space odyssey filma proiektatu egiten zuten zinema areto batean sartzen. Ez zuen ezta berak jakingo film horrek betirako aldatuko zionik bere bizitza eta hortik aurrera bere estiloa markatuko zuenik.

Estricallaren moduko egitasmo baten aurrean, lehenengo tentazioa izaten da banda berria osatzen duten taldekideen aurreko proiektuekin alderatzea. Eta, bai, hemen badago Kloakaoren hardcore azkarraren aztarnarik (azkarra hitzaren esangura bietan, abiada bizikoa eta, aldi berean, buruargia baita).