Maiatza Rock egitasmoaren edizio berri bat abian da. Iruñerriko rockzaleentzako ezinbesteko hitzordu honek askotariko taldeak biltzen ditu bere baitara. Hilaren 10etik aurrera, maiatzako larunbat guztietan kontzertuak ikusteko parada izanen da Burlatako Euskal Herria peñan, hala nola, Black Lagun, Governos, Karatekas, Sorkun & Vicepresidentes edota Lobo Electrico taldeenak, besteak beste.

Euskal Herria Zuzenean Festibala ekainaren 27, 28 eta 29an burutuko da Idauze Mendin. Programazioa itxi dute dagoeneko. Konfirmatutako azken hiru taldeak Suediako Clawfinger, Austriako Bauchklang eta Gasteizko Potato izan dira.

Etsaiak taldeak disko berria argitaratu du, Apurtu arte, eta guk bost disko zozketatzen ditugu gure irakurleen artean. Zozketa gure buletin elektronikoan izena ematen duten guztiei eta aldizkariaren paperezko edizioaren harpidedunei zuzenduta dago. Parte hartuuuuuuu!!!

Alemaniako taldea batu eta Euskal Herrira dator berriz ere. Maiatzaren 10ean zuzenean ariko dira Bergarako Jam aretoan. Pozteko notizia, gurean zale mordoa izan baititu Jongo de Lunchek. Entzun!ek haiengana jo du taldearen nondik norakoak konta diezazkiguten.