entzun.com

Musika albisteak
eta agenda astero
zure postontzian!


Hemen zaude -> Kritikak / Diskoak
| Sindikatu - RSS | Testu tamaina AAA

Diskoak

bidali zure kritikak Bidali zure kritikak
Joxi Ubeda 2017-04-11

Amorante Amorante

Experimental-Folk-Folk
amorante Diskoaren azala
Lotura erlazionatuak
Herri musika da. Esperimentazioa ere bai, ohikoak ez diren beste bide batzuk, beste toki batzuk bilatzeko eta arakatzeko saioak. Amoranteren atzean Iban Urizar musikaria dago. Bere musika herritik, errotik, eta erraietatik ateratzen da, Ibanek berak esana. Ibanek berak abestu eta korneta, saxoa, ukelelea, harmoniuma, kanpaiak eta gitarra jo eta grabazioak egiteaz gain, Dorre baten gordetakoak, Dogma eta Otoi (mi padre) kanten hitzak idatzi ditu. Berarekin aritu dira: Patxi Zabaleta (elizako organoa), Nio de Elche (ahotsa), Naia Membrillera (marinba, marakak, esku-zartak eta bonboa), Aitor Nova (saxo baritonoa), Francesca Romana di Nicola (harpa), Maite Arroitajauregi (biolontxeloa) eta Xabier Erkizia (grabazioak eta edizioa). Halaber, Harkaitz Canok idatzi ditu Oroimenaren fruitu kantaren hitzak eta Oiloarena kanta Bixenta Mogelek idatzitako kopletan oinarrituta dago. Bost kanta daude bere diskoan, hunkigarriak, ederrak. Hainbat giro, aldarte eta pasarte, xehetasun eta zertzelada ugari. Amorantek harrera ona izan du. Bost kantaok soinu postal gisa argitaratu ditu, 82 ale eta denak saldu ditu, baina Interneteko Bandcamp plataformatik deskarga daitezke.
bidali zure kritikak Bidali zure kritikak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.