Bakeliteren diskoaren azala.
Sergio Llanos (Atom Rhumba, Eureka Hot 4) eta
Naiara Anasagasti (Paniks) musikariek osatzen dute
Bakelite biko rockzalea. Bermeotik (Bizkaia) datoz. Ep bat eta zenbait kantu solte argitaratu ondotik,
Azeriak izenburuko lehen diskoa argitaratu dute oraintsu.
Hamar kantuko bilduma da, euskaraz interpretatua, rocka eta bluesa ardatz dituena. Zingiratsua batzuetan, reverb aparretan bustita besteetan, bakelitetarrek labankada distortsionatuak eta zorrotzak edo ehundura argitsuak jaurtitzen dituzte, beharren arabera, giro iradokitzaileak lortuz, hori bai, ilun samarrak gehienetan. Baina, batik bat, gitarrei atera dieten zukua eta soinuak txunditu gaitu. Grabazioaren alorrean, Rafael Martinez del Pozoren (Grabaciones de Campo) eskua azpimarratu beharra dago.
Azeriak gure aurtengo disko kuttunen artean sailkatu dugu jada.
Diskoa entzuteko edo erosteko:
http://bakelite.bandcamp.com/album/azeriak