Solomon Burkeren izenak ez die gaur egungo gazteei ezer esango, ezta 60ko hamarkadako soula gertutik jarraitu ez dutenei ere, azken hamarkadetan ezer gutxi jakin baita Rock & Soularen Erregeari buruz. Beraz, komeni da gogoraraztea klasiko bihurtu diren zenbait kantu sortu zituela Burkek Atlantic diskoetxearekin (Everybody needs to love somebody, Cry to me eta Got to get you off of my mind dira horietako batzuk), baina bereziki ahotsaren bikaintasunagatik, "Jainkoak eman didan altxor horrengatik", nabarmendu zela. Horregatik da hain poztekoa Burkeren itzulera, 65 urteko abeslaria sasoi betean agertzen baita Don