Diskoaren azala. Gasteiz ziki
Agintari eta zenbait hedabidek aspertzeraino gogorarazten ari zaizkigu Gasteiz hiriburu berdea dugula. Baina, jakin badakigu barrenak kolore beltz eta usain txarrekotik hurbilago dituela berdetik baino. Ideia horri eta 70. hamarkadako New York hiriko zenbait taldek elkarturik kaleratu zuten
Songs of the Naked City bildumaren ildoari jarraituz, Gasteizeko 6 talde hasiberri elkartu eta bakoitzak bi abesti grabatu ditu eskuartean dugun disko honetarako. Gauzak horrela, koordenada musikaleko ezberdinetako taldeak aurkituko ditugu Bi-Batean diskoetxeak biniloan soilik kaleratu duen
Gasteiz dirt capital lanean:
Los Fontane taldearen surf instrumentaletik, rock eta punkaren alde ezberdinak ferekatzen dituzten
Turboneskak,
Azken Ordua,
Los Canibales zein
Los Nitxos, edota saiatu arren sailkatzea ezinezkoa den (zertarako sailkatu?)
Sumision City Bluesen doinuetara. Ezbairik gabe, biniloko talderik gomendagarriena azken hauek! Abesti batzuk ongi daude, beste batzuk kaskarxeagoak dira, baina orokorrean bilduma hau Gasteizeko underground eszenaren lagin txiki bat da. Hiri berde honen barrenak zikin eta beltz dauden arren, entsegu lokaletan arnasten dena bestelakoa da. Zin dagizuet.