Get out diskoaren azala.

Jaialdi handietan parte hartu, Japonia zein Estatu Batuetatik bira luzeak eman eta taldearen aurreko diskoa nazioarteko zigilu batekin ere kaleratu arren, boskote madrildarrak “etxean” grabatu du bere estudioko hirugarren lana, instrumentu eta anplifikadore propioekin. Aurreko bi diskoetako soul eta funk ñabardurak galdu dituzte, baina zuzenekoetan erakutsi ei duten potentzia eta erritmo biziak transmititzen jakin izan dute energiaz beteriko rock&roll gordin bati esker, garajeari edota popari ere keinuren bat edo beste eginez. Horixe aurkituko dugu funtsean eta zentzurik zabalenean Get Out disko berrian. Eta horretan zeresana dute hautsa kendu dieten gitarra zorrotzek, sekula baino su gehiago atera diete eta diskoa osatzen duten zazpi abestietan (28 minutu eskaseko luzeran). Ez dut uste askotxo esatea denik 2011. urtearen hondarrean kaleratu zuten Get Out lana 2011. urtean nazioartean kaleratu den disko gomendagarrienetakoa denik.