entzun.com

Musika albisteak
eta agenda astero
zure postontzian!


Hemen zaude -> Kritikak / Diskoak
| Sindikatu - RSS | Testu tamaina AAA

Diskoak

bidali zure kritikak Bidali zure kritikak
Joxi Ubeda 2017-04-24

Kaiolatik ihes Eraso!

Haien seigarren disko luzea da, eta mugarri bat izango da 20 urte bete dituen talde honen ibilbidean. Bide baten amaiera baino gehiago, hasiera. Aurretik rock gogorra jo izan dute, eta, disko berrian entzun daitekeenez, haien doinuak jadanik ez dira hain bortitzak, apur bat finagoak dira, baina kemen eta grina handiz jotzen dute, beti bezala. Azken batean, eta nahiz eta zenbait kantak rock gogor ukitua izan, beren kaiolatik atera dira, beste ikuspegi bati erreparatzeko, beste aire bat arnasteko. Aurrera begiratu behar dela aldarrikatzen dute, eta horretarako lan egin behar dela eta borrokatu: Zerbait egin genezake beste aldera begiratu ordez (Ez da ezer gertatzen), atzera begiratzen baduzu ta gauean negar egiten baduzu ez dituzu izarrak ikusiko (Gazte izan nintzen), bizirik irauteko programaturik gaude ta gidoi gabeko film baten protagonista izan nahi dut (Kaiolatik ihes). Eraso! taldeko kideak eta Karlos Osinaga arduratu dira ekoizpenaz, Osinagak berak egin ditu grabazioa eta nahasketak Tolosako Bonberenea estudioan, eta Jonan Ordorikak masterizazioa Azkarateko Mamia estudioan. Denen artean doinu trinkoa gauzatu dute, potoloa, ozen entzuteko modukoa.
bidali zure kritikak Bidali zure kritikak
Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.