entzun.com

Musika albisteak
eta agenda astero
zure postontzian!


Hemen zaude -> Kritikak / Diskoak
| Sindikatu - RSS | Testu tamaina AAA

Diskoak

bidali zure kritikak Bidali zure kritikak
Antton Iturbe 2008

Negurdin Ep Joseba Irazoki

Folka MP3
Pixkanaka-pixkanaka milaka diskoetxe, on-line katalogo eta autoekoizpenetan sakabanatuta, Josebak bere talentuaren aztarnak uzten dizkigu altxor txikien moduan guk aurkitu eta gozatu ditzagun. Beti interesgarri, beti fresko, beti eder, Berako gitarra-jole handi honen ibilbidea jarraitzea gaur egun euskal musikak eskaintzen duen aukera zirraragarrienetako bat da zalantzarik gabe.
Ibilbide horren aztarna berriena Negurdin izeneko bildumatxo hau da. (Con-v diskoetxeak plazaratzen du on-line deskarga moduan. Hona lotura: http://www.con-v.org/cnv49.html). Hogei minututan eta lau kantu edo piezatan banatuta Josebak bere lan aske eta naturalenetako bat eskaintzen digu.
Inprobisazioa oso gogokoa du Josebak, aurreiritzi edo inposaketarik gabe bere senari soilik jarraituz, bat bateko sorkuntzan eta praktikan aritzen da askoetan bere Berako gordelekuan. Bertan sortzen diren doinuak inspirazio diren baso eta mendi inguru ederretan galtzen dira betirako gehienetan, baina badira grabatuta geratzen diren pasarteak eta horietako batzuk dira disko honen oinarria osatzen dutenak. Pieza txiki horiek konposaketa hezurdura arin bati jarraituz nahastu eta ahots kolore (Joseba beraren hitzik gabeko xuxurla-kexu liluragarria) ukitu batzuk emanez osatzen dira.
Emaitza espazio eta denboratik at bizi den musika ederra da. Folk hitza behar bada erabiltzea badago, baina horren pertsonala, horren askea da, ametsen munduko edo beste planeta bateko folka dirudiela. Naturala, oinarrizkoa, landugabea, barne barnetik atera den bezala aurkeztua eta sinplea iruditu arren eta beharbada horrexegatik ere, entzunaldi bakoitzean ikuspegi ezkutuak eta gozatzeko aukera berriak erakusten dituena.
bidali zure kritikak Bidali zure kritikak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.