entzun.com

Musika albisteak
eta agenda astero
zure postontzian!


Hemen zaude -> Kritikak / Diskoak
| Sindikatu - RSS | Testu tamaina AAA

Diskoak

bidali zure kritikak Bidali zure kritikak
Myriam Garzia 2017-04-19

Santa Rosa Capsula

Ukaezina da Capsula taldeak izan duen eboluzioa. Hizkuntza desberdinak erabiltzeko ohitura izan dute, nagusiki ingelesez kantatzen dute, baina gazteleraz (Santa Rosa honetan No Contests eta Tierra Girando abestietan) eta noizean behin euskaraz ere abestera ausartu dira (Delirium Tremensen Ikusi eta Ikasi-ren moldaketa egin dute). Bestetik, jorratutako estiloak ere anitzak izan dira, hastapen garaietako pop ilunetik hasi eta Santa Rosa sute perfektu honetan nahasten diren glam, psikodelia eta rock elektrikora arte. Baina benetako inflexio puntua 2012an heldu zen David Bowieren Ziggy Stardust diskoa osoarik grabatu eta Izar and Star zikloaren baitan dagokion segidan jo zutenean Bilboko Campos Eliseos antzokiko Cupula aretoan. Lan honekin erakutsi zuen Capsulak bere benatako ahalmena eta, egun, ukaezina da Martin Guevarak (gitarra), Coni Duchessek (baxua) eta Guantxek (bateria) osatzen duten hirukotea edozein gauza egiteko gai dela eta, hala, pop kutsuko melodiak edota punkrock klasikoko riffak ere antzeman daitezke disko honetan. Zuzenean grabatu dute euren estudio berrian eta beraiek egin dute ekoizpena, Guevararen eskutik batez ere. Santa Rosa, lan bizia da agian, zuzenean grabatua delako, edota Capsulak eszenatokian duen indar paregabea jasotzen duelako. Ez da punk rock ariketa soila, abestiok landuak eta sakonak dira, eta eragin interesgarri asko gordetzen dituzte.
bidali zure kritikak Bidali zure kritikak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.