Gaztetxo ingeles hauen estreinako lan luzea da
This is where the fight begins diskoa, zenbait single eta maketa grabatu ostean. Musika etiketatzea arriskutsu samarra izaten bada ere, esan daiteke, gauzak kokatzearren, screamo hardcore moduko bat egiten dutela The Ghost Of A Thousandekoek: hardcore apur bat, punk apur bat, metal apur bat, eta, denen gainetik, Tom Lacey-ren garrasi ozenak. MTVn hain ongi funtzionatzen duen oihua / ahots melodikoa joko horri ere atarramendua ateratzen diote zenbait abestitan, eta horietako batzuek badute irrati alternatiboetan arrakasta lortzeko adina komertzialtasun (
New toy). Niri Bafabegiya, Times Like This eta horrelako talde oihulariak ekartzen dizkidate gogora, hori bai, askoz soinu hobearekin. Izan ere, nabaritzen da Convergeko gitarrajole Kart Ballouren eskua nahasketetan.