Hamar urte baino gehiagoz hainbat hip-hop eta funk diskotan sesio musikari moduan eta bere ezagutza musikal sakona DJ moduan Funkmosphere izeneko sesioetan erakutsi ondoren, badirudi Damon Riddick (Dam Funk izenpean) sortzaile moduan ere zer esatekorik baduela konturatu dela edo, beharbada, betidanik ezkuturik izan duen asmoari azkenean irtenbidea eman diola. Auskalo. Garbi dagoena zera da, era batera edo bestera hip-hop/funk eta orokorrean musika beltz eta dantzagarriak azken urteetan eman duen lan atxekigarri, gozagarri eta liluragarrienetako bat eskaini digula.
Deskribapen azkar bat egiteko diskoa 80. hamarkadako sintetizadorez jositako funk, new jack swing, AEBetako mendebaldeko kostako hip-hopeko dantzagarritasunean eta distiran oinarritzen dela esan daiteke. Soinua ezaguna egiten da hasera batean eta hainbat artista datoz burura