entzun.eus

Musika albisteak
eta agenda astero
zure postontzian!


Hemen zaude -> Kritikak / Diskoak
| Sindikatu - RSS | Testu tamaina AAA

Diskoak

Zabaldu
bidali zure kritikak Bidali zure kritikak
Antton Iturbe 2015-02-19

Xe Zs

Free-noise-kraut-jazz
Diskoaren azala. Diskoaren azala.
Lotura erlazionatuak
Xe, Zs taldearen 8. diskoa da. Etengabe musikariz aldatu ondoren, Sam Hillmer saxo jolea da hasieratik mantentzen den bakarra. Estilo eta izaera musikal ugari jorratu eta soinu bortitz eta bitxiekin esperimentatzeko beldurrik inoiz izan ez duen arren, harrigarria da bere obra guztiak mantentzen duen koherentzia. Zs-ren musika klasifikatzea oso zaila da, elektronika ukituak ditu, free-jazz kutsuko saxoa nagusitzen da askoetan, krautrock moduko erritmo metronomikoak maite dituzte, Steve Reich-en minimalismo eta zorroztasunean oinarri sendo bat aurkitzen dute eta, aldi berean, zarata leherketa ikusgarriak barreiatzen dituzte han eta hemen. Heziketa musikal akademiko sakona jaso dute eta, aldi berean, punk jarrera askeaz espresatzen dira.

Zs-ren musika klasifikatzea oso zaila da, elektronika ukituak ditu, free-jazz kutsuko saxoa nagusitzen da askoetan, krautrock moduko erritmo metronomikoak maite dituzte...

Oso serio hartzen dute beren musika, baina umore handiz azaltzen dira entzuleriaren aurrean. Nola da posible alderdi guzti horiek uztartzea eta ez zoratzea? Are gehiago, nola dira gai horren musika pertsonala, bakarra, imitaezina eta zorgarria egiteko?
Egun hirukote den talde miragarri honek ondo daki nola. Ideia izpirik ez dut misterioa argitzeko, ezta beharrik ere. Dagoeneko Xe  2015eko disko onenetako bat da zalantzarik gabe eta taldeak bere historian egin duen hoberena. Horrekin nahikoa dut ederki gozatzeko. Tira, ezer eskatzekotan, gure ingurura zuzenean jotzera gerturatzea eskatuko nuke, inor animatzen da?
Zabaldu
bidali zure kritikak Bidali zure kritikak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.