Hardcore eta punkaren inguruko fanxine berri bat jaio da: Hardcore plus, Burgoseko Juanjik (Fragment Music) eta Donostiako Alberto Bocosek egina eta sustatua. Hau da, eszenaren bi maitale amorratu, soinu gogorrenak ez ezik, emo inguruko bandak ere gustukoak dituztenak. Paper oneko 40 orri ditu, txuri beltzezkoak. Gaztelaniaz idatzita dago. Informazio eta edukiz gainezka dator: Ictus, Area, Al Least, Spandau Bullet, Afonia, Txinaski, Minor Trheat edota Chingaleros taldeen inguruko erreportajeak eta elkarrizketak irakur daitezke, eta baita iritzi artikuluak eta disko iruzkinak ere. Gainera, CD sanpler bat dakar 16 kantuz eta bi bideoklipez osatua. Dena lau euroren truke.