Baina, goazen harira. Cheater Slicks-ekoei egindako elkarrizketa luzea eta guztiz zintzoa dakar. One Man Band-ei (orkestra-gizonak uler gaitezen) buruzko artikulu bikaina ere egin dute, edota Boston Hardcorearen inguruko detaile guztiak (Gang Green, Fu’s, Freeze Jerry’s Kids, SSD, Slapshot…) irakurri ahalko dituzu. Zintzotasun eta apaltasun gehiago erantzun bihurtuak Nervous Eaters-en eskutik. Sei korden maisuen (Bo Diddley, Ike Turner, Mike Mariconda…) gaineko azterketa. Eta Chico Boom, Muletrain, Nikki Sudden, Meows, Defectors eta abar. Lekua amaitzen ari zait erosteko ia obligazioa duzuen fanxine hau komentatzeko. Une on bat pasatzeko zein musika energetikoaren (eta bere ingurune kulturalaren) iragana, oraina eta etorkizunaren gainean (benetan) informatzeko aproposa. Pena merezi izan du urte bat itxarotea. Eta gainera formatu ohizkanpoko hori oso polita da. Sei euroren truke. Kalitatea.