2004. urteak Pixies mitikoen itzulera ekarriz zuen, hainbat jarraitzaileen pozerako. Hizpide dugun lan honek mundu osoan zehar taldeak eman zuen biraren kontzertuak biltzen ditu. DVDaren hasierako ordu eta erdiak Pixiesek Eurockeennes (Frantzia) jaialdian emaniko zuzenekoa jasotzen du: aski ezagunak egin diren 28 abesti punk pop zaratatsu, tartean Monkey gone to heaven edo Here comes your man antologikoak. Hurrengo orduak Pixiesek beste lekutan (Manchester, Japonia, Edinburgo, Kalifornia...) emaniko kontzertuen abesti solteak jasotzen ditu, gehienak Eurockeennes kontzertuko bideoan agertzen direnak, Debaser ahaztezina eta besteren bat salbu. DVDaren bigarren zati honek taldearen inguruan jendeari eginiko elkarrizketak (gaztelerazko eta frantsesezko azpitituluekin) jasotzen ditu, baina taldekideen adierazpenak faltan botatzen dira.