Bideo honek aurretik Panterak ateratakoen ildo bera jarraitzen du. Hau da, musika, txantxak eta mila katramila nahasten dituzte ikusle ganberroenak bertan harrapatuz. Protagonista, Dimebag Darrell, duela gutxi, kontzertua eskaintzen ari zela tiroz hil zuten eta honek ikusmina areagotu egiten du dudarik gabe. Agertzen diren datak arretaz begiratzen dituzu zenbat denbora gelditzen zitzaion kalkulatzeko. Baina gogoan izan bideo honen atzean musikari on baten biografia errepasatzen dela, gazte gaztetatik, Glam itxurarekin edo Metallicaren bertsioak egiten zituenetik ia hil zuten eguneraino. Solo aipagarrienak, Pantera eta bakarkako ibilbidea eta bere bizitza ulertzeko era… dena ikusgai.
4 X 4 ibilgailu bati gurpilak erretzen dizkioteneko sekuentzia ikustekoa da, edo lo dagoen lagun bati petardo bat ohean sartzen diotenekoa. Hoteleko gelak hankaz gora jartzen zituzteneko pasarteek, mozkorraldiek eta protagonistaren bakarkako hizketalditxo batzuk (beti zeukan bideo kamera gertu) osatzen dute biografia hau. Azken finean, gitarrista on honen bilakaera ezagutzeko eta estilo basati hori nola garatu zuen ulertzeko bideo bat.