Espainiako Acuarela Libros argitaletxeak Johnny Cash-i buruzko bi lan argitaratu ditu oraintsu. Lehenengoak Man in Black du izenburua, eta Cahsek berak 1975ean idatzitako biografia da. Aurrerago honi buruz hitz eginen dugu. Bigarrena, eta gaur hemen mintzagai duguna, Anillo de fuego da, txuri beltzezko komikia, Jonny Cash-i benetan gertatu zitzaion pasadizo konkretu batean oinarritua dagoena. Pasadizo horretatik abiatuta, Cashen izatea eta barruko unibertsoa islatu nahi izan dute komikiaren egileek. Eta nortzuk dira bekatua eta erredentzioari buruzko istorio honen egileak? Joaquin Secall (marrazkiak) eta Javier Lucini (testuak). Oso eskertzekoak dira komikiaren bukaeran paratu dituzten oharrak, komikia bera ulertzen lagunduko digute-eta. Info gehiago: www.acuarelalibros.com