Emakume langilearen eguna ospatzeko ideiarik onenetako bat iruditu zitzaidan kontzertu hauxe: talde bakoitzeko emakume bakarra ikusi genuen arren, hauen presentzia eta indarra erabatekoa baita. Bi talde ezberdin, bi talde zoragarri. Itxaso batean eta Zaloa bestean. Ez nuke, haatik, gizonezkoei batere meriturik kendu nahi, baina emakumearen eguna zen eta...

Urtez urte, eta urratsez urrats, hor jarraitzen du, borrokan, gure Hatortxu Rockek. Bere helburua desagertzea den jaialdi honek, sortu zenean bezalako arrazoi berberak dauzka aurrera jarraitzeko: gure anaia-arreba guztiak gure artean behin betirako izatea.