Rock & roll train!!! Arg: Entzun!
Klikatu argazkien gainean handiago ikusteko
Zer esan AC/DC-ren kontzertuari buruz dagoeneko esan ez dena? Gauza gutxi. Halere, gure kronika idatziko dugu, Entzun! bertan izan zelako, akreditazio ezean, sarrera erosita (batzuk hainbeste, eta beste batzuk horren gutxi... Dena den, gu gure lana txukun egiten saiatuko gara beti prentsa akreditaziorik gabe bada ere. Eta, bueno, eskerrak sarrera erosterakoan zortea alde izan genuen!!!).
Kontuak kontu, gauza da rock and roll gau bikaina pasa genuela, nahiz eta gure muskuluek biharamunean erruz ordainarazi ziguten.
Metrotik jaitsi eta zita handien giroa zegoen BEC-eko kanpoaldean. Kamixeta saltzaile argentinarrak, txapa postuak, zerbeza latak bi eurotan, inguruko tabernak jendez lepo