Sarrera guztiak salduta, eserleku guztiek ez zuten ipurdi zamarik proiektu berriari Depedro izena eman dion Jairo Zavala kantuan hasi zenean. Gitarraren konpainia soilaz, bere ahotsak antzokiko bazter guztietara eraman zituen Como el viento edo Llorona kantuak. Apurka bere albora hurbiltzen hasi ziren Calexico bandako partaide ezberdinak eta ondorengo kantuetan haien konpainia izan zuen. Kontzertu hasera aproposa izan zen. Eserleku guztien jabeak iritsi zirenerako amaitu zen Depedroren atariko emanaldia. Victoria Eugeniako tabernara bisita azkarra eta txirrina entzuterakoan itzuli ginen geure tokietara.


Eskenatokira Jairo Zavala