Torontoko dragoia ikusteko aukera berria izan dugu apirilean. Pantera baten moduan eszenatokian bere gitarra trasheroa astintzen maixua dugu Danko Jones.

Danko Jones-en kontzertuak erritu erlijioso bat bilakatzen dira bere hizketaldi luze, zirikatzaile eta umoretsuari esker. "Dan Cojones" da aspalditik jendea animatzeko erabiltzen duen esaldia. Horixe izan zen eszenatokian jarri zuena: kojoiak. Izan ere kontzertu indartsua, zuzen eta iserditsua izan zen. Jendarteko lehen ilaratako bultzada, liskar eta dantzaldiek tenperatura igo zuten eta emanaldi paregabea bilakatu zen “Sleep Is The Enemy” disko berria aurkezteko balio izan zuena. Alboan Jon “JC” Calabrese ohiko baxularia zuelarik baterijole berria aurkeztu zuen, zeinak intentsitate osoa mantentzen eta askotan zuzentzen jakin zuen.
Aurretik Tokyo Dragons ikusi genituen. Londresekoak. Nahiz eta suediarrak ziduriten. Ez itxuragatik bakarrik, Hellacopters eta AC/DC taldeen arteko hard rock sendoa erakutsi zutelako. Gogoarekin gara berriz gurean zuzenean ikusteko. Baita Dankoren mihi luze lizuna ere. Mihia edo potroak?