Baina arazo tekniko txiki horrek ez zuen, inola ere, gauaren handitasuna zapuztu. Gainera, entzun genituen 25 kantuetatik soilik 4 daude diskoan, era honetan eskaini diren abestiak 41 izan dira guztira. Euskal musikagintzaren 41 artelan entzulearen eskura. Eta hau guztia borobiltzeko, 2011ko abenduak 20 hau Euskal Rockaren historiara pasako da, Errobi taldea taula gainera itzuli zena bezala gogoratuko baita. Errobi itzuli direla? Bai, jaun andreok, egun honetan Errobi oholtza gainera igo zen, eta zer gertatuko den ez dakigun arren (kontzertu gehiago egingo ote dituzte?), gutako askok bizitutako momentu horiek betirako gordeko ditugu. Itzulera bat, eta agur baten testigu ere izan ginen: Pantxoa eta Peio bikotearen azken kontzertuetako bat ere egun honetan izan baitzen. Zaila egingo zaigu egoera berriari egokitzea, zalantzarik gabe.
 Dekorazio ikusgarria eta Maider Segurolaren aurkezpen guztiz aproposak lagundurik (eroso eta dibertigarri egon zen), beste gau gogoangarri bat bizitu genuen, eta