entzun.com


| Sindikatu - RSS | Testu tamaina AAA

Kronika Zuzenak

bidali zure kritikak Bidali zure kritikak
Arkaitz Villar 2008

FORWARD FESTIVAL 2008ko maiatzak 10, Valentzia

Soulwax in action! Arg: Mariano Garca. Soulwax in action! Arg: Mariano Garca.
Egun bakarreko jaialdien ugaltzeak Madril eta Valentzian aldi berean ospatu den jaialdi berri honen sorrera eragin du. Elektronika nagusi bere kartelean, planteamendu egokia erakutsi badu ere, emaitza ez da horren borobila izan.

Ladytron britainiarrek hasiera eman zioten emanaldiari arratsaldeko zortzietan. Kantu berriak aurkeztu zituzten eta jendea galduta ibili zen Seventeen edo Destroy everything you touch bezalakoak abestu arte. Hala ere, Liverpoolekoek erakutsitako dotoreziak lagunduta buelta eman eta kontzertu ona eskaini zutela onartu beharra dugu. Buenavista dj-ak hainbat doinu eskaini ostean, Soulwax Belgikarrak taularatu ziren. Harrigarria izan zen bere emanaldia: Diplo edo LCD Soundsystem bezalakoen bertsioak eskaini zituzten. Horiei haien kantuak gehitu eta gaueko izar bilakatu ziren.
Diplo-ren txanda iristean badirudi etxean ahaztu zitzaizkiola favelako doinuak. Oraingoan teknoari heldu eta emanaldi gogorra eskaini zuen, noizbait: Valencia I love your oranges oihukatu eta ulertu ez genuen emanaldia bilakatu zen berea. Ez naiz oso Fangoria zalea, nahiz eta onartu beharra dudan Alaska oso gustuko dudala. Egun bakarreko jaialdia izanda, bere emanaldia oso laburra izan zen. Baina ikuskizun aparta gauzatu zuten. Aurretik Nancys Rubias-en laguntza izan zuten eta hauen emanaldia ere oso dibertigarria izan zen. Alexander Kowalski-k egiten dakiena egin zuen: egurra eman. Jendea oso pasatua zegoen jada eta abiaduran babestu zen berlindarra. Underworld-en hasiera bizia izan zen, irudimen handiko proiekzioek lagunduta. Disko berria aurkezten izan ziren Valentzian. Hor utzi genuen Fordward jaialdia. Egun bakarreko jaialdien ideia kontuan hartu beharrekoa bada ere, ondo pentsatu behar da non egin. Valentziako Feriak espazio aldetik aukera apartak erakusten bazituen ere, soinuari dagokionez huts egin zuen momentu jakinetan.
bidali zure kritikak Bidali zure kritikak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.

Berri Laburrak

  • Carlos Ortiz, Balerdi Balerdiko baxu joleak taldea utzi du. Dagoeneko ordezkoa bilatzen ari dira.
  • Siniestro Total taldeak kantu berria argitaratu du: Chico de ayer.
  • Cockney Rejects talde mitikoak urriaren 3an joko du Gasteizeko Jimmy Jazz aretoan. Oi!
  • 5 urteren bueltan, Fito y Fitipaldis estudioko disko berria  gabatzen hasi dira. Udazkenean kalean.
  • BBK Live jaialdirako sarrerak agortu dira. 120.000 pertsona bilduko dira Kobetamendin.
  • Rob Younger-en (Radio Birdman) THE NEW CHRISTS Bilbon & Donostian ekainaren 25 eta 26an.
  • The Drones uztailean EHn ariko dira: 17an Donostian, 18an Gasteizen eta 19an Bilbon.

Musika albisteak
eta agenda astero
zure postontzian!