entzun.com


| Sindikatu - RSS | Testu tamaina AAA

Kronika Zuzenak

bidali zure kritikak Bidali zure kritikak
Urko Ansa 2012-1-12

Kafe Antzokia The Answer

The Answer, sekulako arrakasta Bilbon. The Answer, sekulako arrakasta Bilbon.
Osteguna da, rockzaleak gara eta Bilbon gaude: Horrek zer esan nahi du? Osteguna denez, Kafe Antzokiak ia ziur kontzertu handi bat eskainiko digula! Baina gaurkoa kontzertu handi bat baino askoz gehiago izango da gutako askorentzat: The Answer, rock and rollaren salbatzaile izatera deitua dagoen taldea, azkenik areto batean ikusteko aukera izango dugulako. Jaun andreok, irlandatik zuzenean Euskal Herrira: The Answer!
Batzuetan zaila egiten da bizitu diren esperientziak hitzekin azaltzea, baina nire eginkizuna hitzak bata bestearen atzetik elkartzea denez, bat aipatuko dut: zoriontasuna. Zoriontasuna aretoa bete genuen ikuslego anitzaren begietan. Jaia, momentu batzuetan euforia eta dantza asko, betiko rock and roll zaharra, aintzindarien estilora jotzen duen talde bikain baten eskutik.
On and on
benetan aukera ona izan zen showa hasteko: gogorra eta martxosoa benetan. Baina beste edozeinekin hasita ere eragina berdina izango litzateke: bapateko erreakzio gogotsuak eta irribarrea mundu guztiaren ahotan. Under the sky, taldearen hasieretako hit itzela, Vida (I want you) adrenalinikoa...



...edota Trouble ederraren ondoren, kontzertuaren erdian jo  zuten Nowhere freeway baladak lasaitasun pixka bat ekarri zuen. 70.hamarkadako hard rockaren balada borobil eta hilezkor haien estilora, zaila egiten zaigu ez emozionatzea. Eta orain, eta amaieraraino, tregoarik gabeko rock gogorra, Cormac Neeson frontman-aren erakustaldi gero eta ebidenteagoa, bere ile luze oria momentuoro gelditu barik (askotan aurpegia ere ez zitzaion ikusten) eta dantza eta mugikortasun izugarriarekin, nota bakoitza, erritmo aldaketa bakoitza barren barrenean sentitzen duela argi dago: ezinezkoa da guzti hori biotzetik ez irtetea. Horri gitarrajole ia estralurtar bat gehitu ezkero (Paul Mahon), baxu jole maisu baten estiloa (Micky Waters! soloak ere egin zituen, ikusgarria!) eta bateriari egundokoak eman eta kolpe bakoitzean bizia uzten duen James Heatley, hard rock laukote garaitezin baten aurrean kokatzen gara.
Nioen moduan, amaiera benetan bortitza izan zen: Mundu guziak kantatutako Preachin eta Tornado potenteak, tartean abeslaria gure artean ibili zelarik abesten eta jendeari eskua ematen, eta Too far gone eta One more revival berria, Black Crowes batzuen antzerako estiloan, guztiz borobila den abestia: etorkizunean, urte asko pasata ere, set-listean egongo dela apustu egingo nuke. Honexekin erretiratu ziren, mundu guztia festarako gogoz utziaz, eta bisetan (bi bakarrik!) Evil man eta Waste your tears gau ahaztezin baten amaiera perfektua izan ziren.
Mundu mailan beren lekua ondo irabazia daukan laukote honen aktuazioa luzaroan gogoratuko dute Bilboko Kafe Antzokian izandako rockero guziek. Irlandako lau gazte baina esperimentatu hauek eszenatokian beraien eztanda sonikoa eskaini zigutenekoa, eta ingelesez eta euskaraz (gazteleraz hitzik ez, oh yeah!) gugana zuzendu ziren lau zaldunen egun hartakoa. Nork eskatu ote dezake gehiago?
bidali zure kritikak Bidali zure kritikak
Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.

Berri Laburrak

  • Miss Octubre da Alfredo Piedrafitaren (Barricada) talde berria. Dagoeneko grabatu dute estreinako diskoa.
  • Hesian-ek Goenkale saiorako grabaketa txiki bat egingo du Bonberenean hilaren 10ean, 16:30etan.
  • Interpol taldeak El pintor izenburuko diskoa argitaratu du. Estudioko euren 5. diskoa, 3 urteko atsedenaren ondoren.
  • JAZPANA! 2014rako lehen talde konfirmatuak: Nueva Vulcano, Beach Beach, Capsula, Ladislao...
  • Irailak 16, 19:30: Aitor Gorosabel & Xabi Bastida (Su ta Gar) hitzaldi musikala Antsoaingo antzokian.
  • Juantxo Skalari Txilera itzuliko da urriaren 12an eta The Skatalites-ekin batera joko du.
  • Monkey Week urriaren 10, 11 eta 12an egingo da Puerto de Santamarian: http://monkeyweek.org
  • David Bowie bere hurrengo diskoan lan egiten ari da.

Musika albisteak
eta agenda astero
zure postontzian!