Lady Dottie. Argazkia: Dena Flows. Creative commons lizentzia (www.denaflows.com)
Muak! Gasteiz (Musika hirian) jaialdiaren barruan 67 urteko Dorothi Mae (Lady Dottie bezala ezagun) eta bere harribitxi kaliforniarrak izan genituen gozagai Helldorado aretoan. Asteazkena izan arren, giro polita izan genuen emeki zein goxo hasi eta bero-bero amaitu zen emanaldian.
Ordu erdi luzeko atzerapenarekin, The Diamonds laukote gaztea jendez ia lepo aurkitzen zen aretoko oholtzara gerturatu zen. Urtebeteren buruan bigarren aldiz Helldoradon kontzertua eskaintzekoak ziren arren, esango nuke 200 bat pertsona bildu ginela berton. Eta asteazken buruzuri bat izan, Muak! Gasteiz jaialdiaren barruan zein bestela ere astean hamaika kontzertu eta kultur ekintza egon eta hurrengo egunean bertan Bilboko Kafe Antzokian kontzertua eskaintzekoak zirela kontuan hartuta, ez dut uste txarto dagoenik.
Kontzertuari psikodeliaz bustitako blues pieza luze eder batekin ekin zion
The Diamonds laukoteak (artean,
Lady Dottie kamerinoetan zen bere unea noiz iritsi esperoan). Gustagarria egin zitzaigun hasiera hori, eta Joey Guevara pianojoleak euskaraz