entzun.com

Musika albisteak
eta agenda astero
zure postontzian!


| Sindikatu - RSS | Testu tamaina AAA

Kronika Zuzenak

bidali zure kritikak Bidali zure kritikak
Myriam Gartzia 2009

MURSEGO + ANARI, 2009ko azaroak 12, Bilboko Kafe Antzokia

Kontzertuko argazkirik ez dugunez, honatx Anari bainu bat hartzen... Kontzertuko argazkirik ez dugunez, honatx Anari bainu bat hartzen...
Ez dakit pop-punka adiera ondo esanda dagoen, printzipioz kontrajarria dirudi eta batek daki astakeri bat esaten ari naizen, baina esango nuke azaroaren 12an egondako kontzertua euskal pop punkaren erreginak emana zela. Ez nekien ere, post poparen mugetan ibiliko ginela, Maite Arroitajauregiren Mursego bere azken proiektuaren eta Anariren, Irla izan (Bidehuts, 2009) azken diskoaren aurkezpen kontzertuan.

Esan beharra dago zaila dela emakumeontzat toki bat egitea euskal musikagintzan, baina hala gertatzen denean, erregina bakan baino boteretsu baten aurrean gaudela senti dezakegu. Mursegok, hau da, Maite Arrotaijauregik, erakutsi zuen lehenengo, bere biolontxeloa, sanpler bat eta erritmo kutxa batekin berak bakarrik, antzokiko espazioa badakiela betetzen. Eszenatokia berea izan zen lehengo ordu erdian eta erritmo kutxa ziztrin batez, sanplerrarekin ondo moldatzen dela erakutsi zuen biolontxelo joleak. Bertsioak egin zituen, pertsonalak eta bakarrak imajinatzen dut, zuzeneko guztiak bakarrak diren heinean, baina erreza zen Maite imajinatzea bere entsegu lokalean unekoa sortzen, eszenatokian unekoa sortzen duen moduan. Maitek berak lagundu zuen Anari tekletan. Azkoitiarra zen Bilboko Kafe Antzokia bete-bete eginda egotearen arrazoia, eta Mursegok ondo berotutako publikoak bero hartu zuen ere abeslaria. Lau urte igaro dira Zebra arrakastatsutik eta jendea diskoa berriko abestiak entzuteko gogoz zebilen. Eta hori izan zen Anarik egin zuena, disko berriko kantak jo. Azken disko honetan, bai edukian zein mamian pausu bat haratago doa berriro ere azkoitiarra, eta ez hitzetan bakarrik, musika mailan ere hazi dela dirudi, lau urteko ibilbide emankorraren isla. Bandak fidel jarraitu zituen Anariren abesti berrien akordeak, eta azken errepikapenerako utzi zituen bakarrik Aingura hegodunak, Gu eta aurreko diskoko abesti ezagunagoak. Anariren unibertso emankorrak busti gaitu berriz, ezinbestean, ekaitza dator.
bidali zure kritikak Bidali zure kritikak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.