Badu, ba, zerbait berezia Nafarroa Oinezek, egiten den lekuan eginda ere. Giro berezi bat antzematen da, gogo berezi bat hango jendearen partetik, Ikastolek aurrera jarrai dezaten, beti ere festa giroan. Musikaren ikuspuntutik begiratuta, Kilometroak, Nafarroa Oinez eta abar berriz ere lehengoak dira, non aukera oso zabala zen eta publiko aldetik oso arrakastatsua. Hala ere, Herri Urrats oraindik ere ez da errekuperatu aukera musikaletik ikusi ezkero, oso pobrea baita azken urteotan. Horrexegatik gogo biziz joan ginen Sakana maitatu bezain ederrera.


Baina orain arazoa oso bestelakoa zen: aukera hain zen handia eta anitza, ezen eta aukeratu behar izan genuela, eta badakizue, aukeratzen duenak zerbait galdu behar, halabeharrez. Ordutegi kontuagatik, eta area ezberdinetan ordu berdinean emanaldi asko zeudela kontutan hartuta, pena handiz baina Sexty Sexers euskal talde rockerorik onenetako bat, Stupenda Jones, Mallac