entzun.com


| Sindikatu - RSS | Testu tamaina AAA

Kronika Zuzenak

bidali zure kritikak Bidali zure kritikak
Myriam Garzia 2012ko otsailaren 4an

Santana 27 aretoan Berri Txarrak + Anai-Arrebak

Gorka Urbizu zeremonia maisua. Argazkia: Koldo Orue. Gorka Urbizu zeremonia maisua. Argazkia: Koldo Orue.

Klikatu argazkien gainean handiago ikusteko
Berri Txarrak - Santana 27, 2012/02/3
Otsailaren 4an Bilboko Santana 27 aretoan, Haria (Kaiowas, 2011) diskoaren aurkezpen biraren bigarren kontzertuan egon zen Entzun! Aretoa leporaino beteta zegoen bigarrenez, Bilboko makrodiskotekan egiten zen bigarren emanaldia izan arren. Anai-Arrebak taldeak ireki zuen gaua.

Anai-arrebak izan ziren kontzertua irekitzearen arduradunak eta ikuskizuna eta dibertsioa eskaini zuten batez ere. Disko musika euskaraz egitea ez da oso gauza arrunta gure Euskal Herri honetan, baina dirudienez eta eskerrak, gauzak aldatzen doaz. Musika dantzagarria bai, baina baita ere ezusteko bertsioak, tartean M-ak taldearen Barkatu ama abestia edota Dragoi Bola telesaila laguntzen zuen abestia (bat baino gehiago harritu zuen bitxikeria honek, batez ere, gazte jendea, nagusi kontzertuan, esan beharra dago).

Berri Txarrak taldeak ez zuen hutsik egin. Sugea suge, azken diskoa zabaltzen duen abestiaren lehen akordeak entzun zirenean, bolumena eta metala nagusi izango zirela iradoki nahi ziguten Lekunberrikoek, eta horrela izan zen. Jarraian disko berriko lehen lauzpabost abestiak jo zituzten, txalo egiteko tarterik eman gabe. Eszenatokian, Gorka Urbizuk, David Gonzalezek eta Galder Izagirrek sokak eta partxeak gogor eta gogoz astintzen zituzten bitartean, oholtza gainean eta ikusleriari zuzendutako argi panelak pizten ziren bortizki. Horrela etorri ziren gero, Jaio.Musika.Hil (Gor, 2005) eta Payola (Roadrunner, 2009) diskoen abesti ezagunenak, eta baita ere Denak ez du balio (Gor, 2010) edo horien aurreko disko zaharren soinu metaleroak. Metal une gorenak egon ziren, baina baita ere une melodikoak, Berri Txarrak taldearen espezialitatea, kontrastea bilatzen. Horrela egon ginen ordu eta erdi, talde nafarraren azken urteotako ibilbideari errepasoa egiten.

Sarrerak aspaldi agortuta, masa taldea dugu Berri Txarrak. Dudarik gabe, ez da soilik metalzaleen gustukoa. Nafarrek erakutsi dute, behin eta berriz, aretoak betetzeko duten abilezia, baina azken disko honekin, duen produkzioa eta kalitatea kontuan hartuta, masa ikuskizuna eskaintzeko gai direla frogatu digute. Agian, masa hitz zatarra izan daiteke batzuentzat, baina ez dago besterik Berri Txarrak taldeak mugitzen duen ikusleriaren kopurua definitzeko. Biraren hasiera Bilbon egin zuten, eta hiri honetan dagoen aretorik handiena bi egunez bete dute (areto honen edukiera 1.500 pertsonentzako da). Gauzak horrela, makrofestibaletan edo BECen lekurik izango dutela dudarik ez dago.

bidali zure kritikak Bidali zure kritikak
Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.

Berri Laburrak

  • Miss Octubre da Alfredo Piedrafitaren (Barricada) talde berria. Dagoeneko grabatu dute estreinako diskoa.
  • Hesian-ek Goenkale saiorako grabaketa txiki bat egingo du Bonberenean hilaren 10ean, 16:30etan.
  • Interpol taldeak El pintor izenburuko diskoa argitaratu du. Estudioko euren 5. diskoa, 3 urteko atsedenaren ondoren.
  • JAZPANA! 2014rako lehen talde konfirmatuak: Nueva Vulcano, Beach Beach, Capsula, Ladislao...
  • Irailak 16, 19:30: Aitor Gorosabel & Xabi Bastida (Su ta Gar) hitzaldi musikala Antsoaingo antzokian.
  • Juantxo Skalari Txilera itzuliko da urriaren 12an eta The Skatalites-ekin batera joko du.
  • Monkey Week urriaren 10, 11 eta 12an egingo da Puerto de Santamarian: http://monkeyweek.org
  • David Bowie bere hurrengo diskoan lan egiten ari da.

Musika albisteak
eta agenda astero
zure postontzian!