Jakina zen, Anarik merezi duen egoitz eta soinu kalitate apartaz gozatu eta dagokion moduan agurtzeko aukerak sortarazitako ikusmina. Ondorioz, bai taldea baita entzuleria bera ere pixka bat urduritu eta zurruntzeko arriskua bazegoen. Baina esan bezala, hasiera hasieratik eroso sentitu ginen denok, beso ezagunen besarkadaren berotasunean gustura.
Eta erosotasun horren barnean kontzertu aparta izan zela esan beharra dago. Garai guztietako kantuak entzuteko aukera izan genuela ere. Zoragarri jo zutela, perfekzio milimetrikoz eta errepertorioa goitik behera menperatuz ere. Baina, aldi berean, agur festa baten zapore gazi gozoa transmititzen zuen denak. Zeruraino iritsi ondoren, garai ahaztezin baten oroitzapen ezin hobea utzi eta norabide ezberdinetan pauso bat eman nahi duten musikari talde baten sentsazioa, alegia. Are gehiago kontzertuaren azken bi kantuetan Lisab