entzun.com

Musika albisteak
eta agenda astero
zure postontzian!


Hemen zaude -> Kritikak / Liburuak
| Sindikatu - RSS | Testu tamaina AAA

Liburuak

bidali zure kritikak Bidali zure kritikak
Sagardantza 2016-05-31

Cuentos y melodias del Mojo Workin' Arkaitz Kortabitarte

Liburuaren azala. Liburuaren azala.
Lotura erlazionatuak
Hiru fanzine mota daude. Jaio eta berehala hil egiten direnak; jaio eta garatzen direnak urte dezenteko biziraupena erdietsiz; eta, azkenik, jaio, garatu eta eraldatzen direnak, alegia, beste edozer bihurtzen direnak, diskoetxe bat adibidez, edo liburu bat. Hain zuzen ere, hori bera gertatu zaio Historia de la música afroamericana fanzineari. Arkaitz Kortabitarte (Dr. Punko) musikazale donostiarra da artefaktu honen egilea eta asmatzailea. Jada ez gara oroitzen noiz atera zuen lehen zenbakia, baina orduz geroztik halako maiztasun batekin argitaratuz joan da fanzine landu hau.

Lehen eskuko materiala zeukan, oparoa eta ez edonolakoa. Hortaz, zergatik ez liburu formatura ekarri?
Honekin batera, duela zazpi urte luze Mojo Workin' jaialdia antolatzen hasi zen Arkaitz, eta, hain zuzen ere, fanzinea eta jaialdiaren "uztarketatik" sortu da Cuentos y melodias del Mojo Workin' liburua. Labur azalduko dugu: jaialdira zetozen artistekin izandako solasaldiak, elkarrizketak, anekdotak, bizipenak, esperientziak... ekarriko zituen Arkaitzek fanzinera. Lehen eskuko materiala zeukan, oparoa eta ez edonolakoa. Hortaz, zergatik ez liburu formatura ekarri? Eta, hala, fanzinea liburua bihurtu zen, edo beste moduz esanda, liburua fanzinearen oinordeko naturala bihurtu zen.
Liburuak, Mojo Workin' jaialditik igaro diren artisten biografiak eta Arkaitzek haiekin izandako erlazioa (bere ikuspuntu subjektiboa eta personala ezkutatu gabe) biltzen ditu. Hala, 144 orritan zehar, Lazy Lester, Melvin Davis, Billy Boy Arnold, Baby Washington, Kim Weston, Dee Dee Sharp, Maxine Brown, Mable John eta The Velvelettes (guztiak ere musika beltzaren legenda biziak) artisten ingurukoak kontatzen dizkigu egileak, modu entretenigarrian, baina, halaber, informazio eta datu interesgarri andana emanez (artiston ibilbidea eta grabazioak, eskubide zibilen aldeko borroka, anekdota dibertigarriak...)
Musika beltza gustokoa baduzu, edo, hobe, soularen urrezko aroaren zale amorratua baldin bazara, Cuentos y melodías del Mojo Workin' etxeko apalategian eduki beharko zenukeen liburua da.
bidali zure kritikak Bidali zure kritikak
Erlazionaturiko edukiak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.

Berri Laburrak

  • JALGI euskal kulturaren plaza ibiltaria egitasmoa: www.jalgika.eus
  • Red Hot Chili Peppers-ek Madril eta Bartzelonan joko du, irailaren 27 eta urriaren 1ean, hurrenez hurren.
  • DOCTOR DESEOk Madrilgo Caracol aretoan joko du maiatzaren 27an. www.baga-biga.eus
  • Suede, aurtengo BIMEko lehen kartelburua. The Divine Comedy, Horrors, Lambchop, Nacho Vegas... ariko dira ere.
  • Iruñeko Exnovios taldeak bere estreinako diskoa argitaratu berri du.

Musika albisteak
eta agenda astero
zure postontzian!