entzun.com


Hemen zaude -> Kritikak / Liburuak
| Sindikatu - RSS | Testu tamaina AAA

Liburuak

bidali zure kritikak Bidali zure kritikak
Sagardantza 2009-12-03

Musikagida 09 Euskal Herriko musika talde gazteen gida (Gazte sarea)

Euskal Herriko musika taldeen Musikagida 09 txalotu baino ezin dugu egin. Gaztesareako jendeak lan bikaina egin du alde guztietatik begiratuta. Baina gutxi jartzen ahal dira holako lan bati. Kontratu diskografikorik gabeko taldeen musikgida da hau, bigarrena, lehendabizikoa duela bi urte atera baitzen eta zaharkitu antzean gelditu delako. Talde berriak sortu, zeuden beste batzuk desagertu... Berritu beharra zegoen finean, eta emaitza esku artean dugu.
Herrialdez herrialde antolatuta, Euskal Herriko talde mordoaren (300etik gora) fitxak dakartza, estilo, biografia labur, kontaktua eta diskografiarekin. Programatzaile, musikazale, kazetari edota informazio bilatzaileentzako oso baliagarria da gida hau. Hemen dago egungo euskal musikaren mapa zabal bat (noski, ez daude talde denak). Bestalde, irrati libre, musika irratsaio, fanxine eta aldizkari, webzine, gaztetxe eta gazte asanblada, rock argazkilari eta grabaketa estudio mordoaren kontaktuak dakartza liburu honek.

Edizio txukuna lantzeaz gain (diseinu garbia, copyleft-ari buruzko artikulua, argazki galeriak) 300 mp3 bildu dituzte bi CDtan. 300 kanta beste horrenbeste taldeenak. CDak noski, liburuarekin batera datoz. Denetarik dago, gauza oso onak eta oraindik lokalean ordu asko sartu behar dituzten taldeen kantuak ere. Estiloei dagokienean ere, basoan landare aniztasuna aurki dezakegun moduan, askotariko lore, zuhaitz eta belar aurkituko dugu hemen: goxoak, garratzak, arantzadunak, gogorrak, dibertigarriak, pozoitsuak Bakoitzak aukera ditzala gustukoen dituenak. Hori bai, mp3-an datozenez, entzule bakoitzak bere aukeraketa egin dezake bere irakurgailu eramangarrian, etxean edo nahi duen lekuan entzuteko
Eta naturalista jarri garenez, eta lore dezente bota diogunez Musikagidari, nahiz eta lore jaletzat ez dugun geure buruak, ez eta lorezaintzat ere, honaino gida honen iruzkina. Ea ureztaketa on baten ondotik, talde sendo eta talentudunak (edozein estilotan) ateratzen diren zerrenda honetatik etorkizunari begira eta zerrenda horretan jada dauden talde on eta talentudunak sendotzen eta hazten diren.
bidali zure kritikak Bidali zure kritikak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.

Berri Laburrak

  • Miss Octubre da Alfredo Piedrafitaren (Barricada) talde berria. Dagoeneko grabatu dute estreinako diskoa.
  • Hesian-ek Goenkale saiorako grabaketa txiki bat egingo du Bonberenean hilaren 10ean, 16:30etan.
  • Interpol taldeak El pintor izenburuko diskoa argitaratu du. Estudioko euren 5. diskoa, 3 urteko atsedenaren ondoren.
  • JAZPANA! 2014rako lehen talde konfirmatuak: Nueva Vulcano, Beach Beach, Capsula, Ladislao...
  • Irailak 16, 19:30: Aitor Gorosabel & Xabi Bastida (Su ta Gar) hitzaldi musikala Antsoaingo antzokian.
  • Juantxo Skalari Txilera itzuliko da urriaren 12an eta The Skatalites-ekin batera joko du.
  • Monkey Week urriaren 10, 11 eta 12an egingo da Puerto de Santamarian: http://monkeyweek.org
  • David Bowie bere hurrengo diskoan lan egiten ari da.

Musika albisteak
eta agenda astero
zure postontzian!