Bartzelonako Penniman zigiluak (orain ere liburu argitaratzailea) “Oooh, My Soul!!!: La Explosiva Historia De Little Richard” liburuaren gaztelerazko edizioa argitaratu du. Charles White egilearen biografia baimendua da. Bertan, Richard Wayne Penniman txikiaren historia zoragarria kontatzen da, batzutan garratza, bestetan irriz lehertzekoa. Little Richard pertsonai errepikaezina da, bere indarra, bere presentzia, bere jarrerarengatik, eta baita bere itxurarengatik ere, bere piano basatiarengatik, bere bizitza sexual ikaragarriarengatik, beste musikariengan izan zuen sekulako eraginarengatik… Little Richard-ek 50. hamarkadan ekin zion bere ibilbideari rhythm & blues eszenaren baitan eta rock and rollaren sustatzaile eta agitatdore handienetako bat izan zen. Elvis Presleyk “handienatzat” hartu zuen, Ostis Redding-ek aldiz, bere “inspiraziotzat”. Penniman-ek egiten duen lan txukunaren beste adierazle bat da liburu hau.