“70eko hamarkadako New Yorkeko punk musika mugarria izan zen gure bizitzan, baina baita Kaliforniako hardcorea ere. 80ko hamarkadaren hasieran, gazte mukizu batzuk punkaren herentzia hartu eta azken muturrera eramaten saiatu ziren, kantuen abiadura eta letren gordintasuna areagotuz. Germs, Black Flags, Dead Kennedys… Gerora mundu osora hedatuko zen mugimenduak han izan zituen bere hastapenak. Leku haiek ezagutzeko aukerak ere izugarri erakartzen ninduen”. Horiek eta beste arrazoi batzuk izan zirela medio abiatu zen liburu honen egilea Estatu Batuetara, hara joateko proposamen jasoz gero. Dorre bikiek oraindik zutik zirauten New Yorkera irisi zenean. Bertan hasten da, ehunka filmek elikatutako “imaginarioaren” eta errealitatearen arteko bidai hau. Hemendik aitzinera egileak bere sentsazioak, aurkikuntzak eta bizipenak helarazten dizkigu, zintzotasunez, musikarekin uztartzen dituelarik hainbatetan. Musikazale amorratu baten aurrean gaudela ez dudarik izan. Hala, izen anitz agertzen dira liburuaren orrietan zehar, besteak beste CBGB areto mitikoa, Steve Wynn (Dream Sybdicate), Teh Queers, Paty Smith, Tilt, The Dickies, Legal Weapon, Buzzoks… Baina Gontzon Hermosillak bestelako abenturak eta pasadizoak kontatzen ditu, musikarekin zerikusirik ez dutenak. Izan ere, NY-en hasi eta Estatu Batuetako mendebaldean zehar eginiko bidaia batek askorako ematen baitu…