entzun.com

Musika albisteak
eta agenda astero
zure postontzian!


Hemen zaude -> Kritikak / Liburuak
| Sindikatu - RSS | Testu tamaina AAA

Liburuak

bidali zure kritikak Bidali zure kritikak
Ion Etxebarria 2010-03-04

The Breaks, Stylin’ and Profilin’ 1982 – 1990 Janette Beckman


Klikatu argazkien gainean handiago ikusteko
Egia da liburua argitaratu zenetik jada pare bat urte pasa direla eta ikuspuntu artistikotik argazkiak ez direla ikusgarriak. Hala ere, Janette Beckman argazkilari ingelesak bilduma honetan jasotzen dituen argazkiek XX. mendearen azken laurdenean New York hirian bizi izan zen rap eta hip hop eszena interesgarriaren isla dira, guztia irudi atseginez josia. Tartean daude, Public Enemy, Run- DMC, Roxanne Shanté, Afrika Bambaataa, N.W.A. eta bertako taldekide izan ziren Ice Cube zein Eazy-E, musikari ezagunen artean batzuk aipatzearren, zerrenda amaigabea da eta. Estilo anitzeko hamaika talde zein musikariri klisk eginda (tartean, Joe Strummer, The Police, Paul Weller eta Pete Townshend), liburu honetan Beckmanek pasa den mendeko 80. hamarkadan gehien bat New York-en bizi izan zen underground mugimenduaren zati bati eginiko argazkiak aurkituko ditugu. Gehien bat diogu bildumak salbuespen bitxi ugari dituelako.
Lehenik, kolorezko erretratu gutxi batzuk salbu, gehienak zuri beltzean daude. Bigarrenik, ia argazki guztiak etxe-orratzen hiriko auzo ezberdinetan aterata daude (Manhattan, Harlem, Queens, Bronx, Brooklyn, ...), nahiz eta badagoen Kalifornian zehar, Miamin, Philadelphian zein Londonen eginikoren bat edo beste. Hirugarrenik, afroamerikarrak eta hegoamerikarrak dira bildumako protagonistak, The Beaste Boys eta Rick Rubin ekoizlea horren salbuespen izan arren. Laugarrenik, badira musikazale anonimoen argazkiak edota “Crack is Wack Hip Hop Festival”-ean publikoari eginikoak ere. Azkenik, bilduman ditugun protagonista gehienak rap eta hip hop talde zein bakarlariak dira, baina tartean, 22 urteko Lenny Kravitz nerabe bat ere aurkituko dugu.

Salbuespenak salbuespen, bilduma honek duela 25 bat urte, New Yorkeko kaleetan bizi izan zen rap eta hip hop underground eszena gordinaren irudiekin dastatzeko aukera paregabea eskaintzen digu. Fisikak denboran atzera egitea ezinezkoa dela dioen arren, garai haietara itzultzeko “giltza” da argazki bilduma hau.
Bildumako argazki asko zein Janette Beckman-en bestelako argazki pila bere web orrian aurki daitezke: www.janettebeckman.com.
bidali zure kritikak Bidali zure kritikak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.