Euskal Herrian egiten den musikak leiho berri bat badu kanpora naiz barrura begira, mundura naiz etxera: Euskadiko Soinuak webgunea hain zuzen ere, 2003ko urte bukaeran martxan jarri zena Eusko Jaurlaritzaren Kultura Sailaren eskutik. Webgune hau aurretik liburu formatuan argitaratutako gidaren oinordekoa da, eta batik bat, sektoreko profesionalentzako dago egina. Bertan, diskoetxe, management-enpresa, bakarlari, talde, jaialdi, elkarte eta komunikabideei buruzko informazio osatua eta zabala aurkituko du interesatua dagoen orok. Finean, webgune honek sektoreko profesionalentzako lan-tresna baliagarria izatea bilatzen du, Euskadiko Soinuak programaren sorrerako izpirituari jarraikiz. Izan ere, aipatu programaren helburua euskal musika (pop, rock, folk, musika berriak…) gurean naiz nazioartean sustatzea da. Web orri honek musika-gidaren hedapen, erabilgarritasun eta gaurkotasun handiagoa ahalbidetuko du.