Metak diskoetxeak webgune berria martxan jarri du. Bertan, informazio andana eta zigiluko taldeen inguruko albisteak, biografia, argazkiak, partaideak, kontzertu zerrenda, mp3ak, bideoak, pantaila irudiak... daude erabiltzailearen eskura. Badago hala ere, euskal diskoetxeen artean berri berria den zerbait: MP3 sistema bitarteko on-line salmenta aitzindaria, zeinaren bitartez disko luzeak mp3 formatuan erosteko aukera dagoen (diseinua pdf formatuan dago eskuragai) 6 eurotan. Kantu solteak ere eros daitezke euro batean. Halaber, Irungo zigiluak kantuak streamingen entzuteko aukera ematen du.