Landetatik datorkigu Underground Society deritzon webzinea. Musika alternatiboa dute euren sukaldearen ardatz: punk, death, pop, rock, metal, rock gotikoa, industriala, elektroa eta beste. Webgunea frantsesez da eta hainbat ataletan banatuta dago. Ohikoetaz gain (elkarrizketak, berriak, erreportajeak, linkak…), Underground Society-k bestelako atalak biltzen ditu: fanzineak, demoak, komikigintza, biniloak eta bideogintza. Europan eta munduan zer egosten den jakiteko baliagarria da, link anitz biltzen baititu.